تعارف العرائس الجزائريات

اختي حاولي تخيري لون يحليك مثلا اخضر فاتح او بنفسجي مثل باذنجان

سلام.يكثر خيركم لجاوبتوني.تعرفو لاغوب سواغي شرتلها قماش ساتان بلو تخكواز و البدرون دفعتو درتو اخضر فاتح مع الطرز بالبنفسجي و السروال .و الكراكو حبيت نديرو مطروز بالابيض.و زيد شعري كحل و ما نصبغوش.على هذيك قلت يا زرق يا موف.اختي قالتلي قظيفة زرقاء قاتم تجي تهبل بالاك نديرها هكذاك.

[b]مساء الخير اختي isma.m انا تاخذي رايي ديري لون القطيفة بلو تيركواز تلقايه مليح ويخرج علا السمرة والبيضة ونزيدك حاجة راه اللون لامود وزيدي شوفي كشما تحتاجي راني هنا

سلام صح الازرق القاتم يجي مليح ربي يعاونك

سلام البنات العرايس راكم متهليين ف الغرفة امممممممم الصراحة انا كنت في عطلة رحت للعاصمة شريت شوية قش
بالنسبة لاالوان يا اخت اسمة انا نفضل الالوان الزاهية ومنها البلو تركوا مام لوبيغجين مليح اي كما البندجان كما قالت الاخت حرصون

السلام عليكم و رحمة الله تعالى و بركاته
أنا عضوة جديدة معاكم سأعرف بنفسي

أنا إيمان من ولاية تلمسان عمري 22 سنة طالبة جامعية تخصص أدب عربي
انخطبت صيف 2011 و ندير العرس صيف 2013 بعد رمضان ان شاء الله
و بما يخص الجهاز و جدت الفراش و ما زال باقيلي شوية + كملت مع الجهاز تاع الحمام

و نتمنى نفيد و نستفاد معاكم يارب
و شكرا عزيزياتي ربي يوفقكم

اهلا بيكم حبيباتي الصفحة نورت بكم مبروك عليكم وربي يسهلكم ويهنيكم انشاء الله

اهلا وسهلا باي مشاركة تفيد وتستفيد رغم ان كل عروسة في ولاية شكل لكن بالتواصل نكونو عايلة وحدة انا نشاطر الاخت missara انو الناس تقرعج فوق الحق وخاصة في وقتنا الحالي كلشي غلا الي تحبي تشريها يدك تحرقك انا وحدة من الناس الذهب نسيتو شريت غير سلسلة ب11 مليون من شرطي لانو يقولك شرط العروس تشريه حاجة ذهب فال مليح وتقعد ذكرى وبس وماكان ماكان عادي البركة ماعادتش كيما كبرنا بيها بصح الزواج يسهلو ربي وينفتحو بيبان الرزق ان شاء الله وربي يسهل لكل عروسين ويبعد عليهم العين امييييييييييييين

الحوايج الي زدت شريتهم:
كوفرلي، 3ريدوات، 3 بلاطوات، زربية كبيرة، خرجة تاع سمر زعما زعما،4 فط الوجه،فاليزا تاع لجهاز والماليت نتاعها،سني، 4 بساطات تاع لعرايس، برنوس وبيجامة للزوج، بشامق، صبابط، صبابط التصديرة وحدة ذهبي ولاخرى فضي باه يتلبسو مع كلشي، les chemises de nuits ،sac fort ، كوستيمة، ملاحف، حديد الشعر braun،جهاز الحمام،زرابة للمطارح تاع الصوف،بيجامات،2 عباءات،2روبات الخريف، les habillets تاع لجهاز،2boofs، وطابلية تاع لكروشي واخرى عادي
مازال صالون مغربي لانو حاليا ماعجبونيش وحديد القش والطابلة ديالو لعقوبة الي مازالو ماكملوش ان شاء الله

harson كتب:

الحوايج الي زدت شريتهم:
كوفرلي، 3ريدوات، 3 بلاطوات، زربية كبيرة، خرجة تاع سمر زعما زعما،4 فط الوجه،فاليزا تاع لجهاز والماليت نتاعها،سني، 4 بساطات تاع لعرايس، برنوس وبيجامة للزوج، بشامق، صبابط، صبابط التصديرة وحدة ذهبي ولاخرى فضي باه يتلبسو مع كلشي، les chemises de nuits ،sac fort ، كوستيمة، ملاحف، حديد الشعر braun،جهاز الحمام،زرابة للمطارح تاع الصوف،بيجامات،2 عباءات،2روبات الخريف، les habillets تاع لجهاز،2boofs، وطابلية تاع لكروشي واخرى عادي
مازال صالون مغربي لانو حاليا ماعجبونيش وحديد القش والطابلة ديالو لعقوبة الي مازالو ماكملوش ان شاء الله

بصحتك اختي ربي يسعدك

اشكرك لعقوبك لكل عروسة ان شاء الله

البنات حبت نسقسكم كفاه رايحين تنظمو الفراش هههههه لاني حايرة مثلا كل شحال لازم نبدلو الدراوات و كل شحال لازم نبدلو ليقوفرلي

سلام هذاوين دخلت من المارشي كلشي يكوي شريت كاكراكو عنابي ب 21000 دج+النحرمة ديالو 1500 دج+ ساك ديالها ب 1450ج+ فوطة كبيرة وقماج لانو مدايرين السولد + سلة تاع لجهاز+خيمارات باه نمدهم لعائلة الزوج+زربية الصلاة+كومج للوجه+الكوفري تاع الريحة للزوج+ 2 بيجامات ملاح+طزينة صابون للمدان+محارم للرجال+والله ماشفيت

شوفي ضرك جاي الصيف الدراوات يتبدلو حسب ذوقك وتكون الالوان متناسقة وتحبي تبدلي كل 3 ايام لانو كون تبدلي كل يوم تشري 70 كوفرلي لازم تكوني متوازنة وشكرا

بصحتك حرصون تتناي بيهم لعقوبة لليمازالك ...........ايه وهدا رايي تاني

البنات جامي ولا نلاقينا في نفس الوقت علاش

كاش موديلات جدد نتاع قنادر الصيف

انا عندي موديلات بزاف ملاح خيطتهم بصح ماحبوش يدخلولي راني ضالا نحاول ونجرب

مرحبا أنامثل ماهو مبين من اسمي من قسنطينة تخطبت 23و درك عندي 25سنة عرسي سمانة من ورا رمضان و رايحة لقالمة.درك نقوللكم واش وجدت من حوايجي1- 6مطارح تاع الصوف .6مخاد مغلفين بمخاد الزرابة 4 تاع لحاف السرير.2 تاع لوساد درتهم من لواط و مغلفين بمخاد تاع الخيط.6 بصاطات.1زربية كبيرة تاع الصالون .1زربية شوية صغيرة عليها.صلون ماروكان.3بناك تاع الحطب.كفيرطة .كوات.لصوندلي 5 زرابة تاع المطارح.ريدو كبير.2كوفرولي ملاح واحد أزرق و الثاني أبيض.لدرا 4 لناب درت تبديلة بيضا و باج للبيت و حايد للصالون.2 لناب تاع المايدة.ناب تاع الطابلة

2- قنادر عراس: قطيفة مجبود زيتي.ككتال كحلة بالفتلة بيضاء.شامسة بيضاء.وحدة تاع لعنب زرقاء.طرز نيجيري عنابي.3قفاطن 2سواغي .برنوس.وهادو كامل معاهم صنادل و لبوشات .قندورة لعجوزتي طرز نيجيري +بشماقها و خيمارها و شوميز..
قنادر تاع المناسبات لخفاف 3
قنادر شتاء درت 1و 3بيجامات.
قنادر صيف 6
بيجامات صيف 4
1ديزابيي .لينويزات.10
قرطلة فيها شمبو وجال دوش و صابون وريحا و حوايج الوش.بينوار تاع الوش قصعة تاع النحاس.+مكياج
ومازالولي حوايج أخرين مشريتهمش.

صباح الخير يا عرايس زدت شريت braun للحلاقة ماتوجعش خلاص لون العلبة اسود وشريت حديد مع الطابلة ديالو

صباح الخير .بصحتك أختي قوليلي بقداش شريتي لحديد تاع القش وش من ماركة.

صباح الخير
شريتو ب4200 دج ماركة فرنسية calor
والطابلة ندرو جدد فيهم رالونج يعني لحديد تحطيه ماتعيايش خلاص

بصحتكم خواتاتي بنت الجسور و حرصون لعقوبة للمزال

حرصون هههههه براون موجعاتكش انا دارتلي حالة والله بشحال شريتيها
calor مليحة متندميش عليها

لبنات حبيت نسقسيكم .شكون من مالين لعريس لازم نفخمهم .يعني نمد لتاع الدار و عمومو و خوالو .ولا لتاع الدار برك.

صباح الخير حبيباتي
براون شريتها ب 9500 دج هي تتباع ب 12500 دج خلاهالي صاحب زوجي يعني نقصلي في السومة وماتوجعش كي تبداي تنحي لضي لحمك يعني اشبحيه وادعيلي تنحي الشدة
اما اختي بنت الجسور انا شريت 4 خيمارات لنساء سلافي لانو ماعنديش سلفتي تهنيت وشريت كسوة لعجوزي كلشي من الخيمار للصباط ومحارم للرجال والنساء وسجادة وسبحة وعراقية تاع الراس لعم زوجي لانو بابات لراجلي متوفي وصابون للمدان مدي لعجوزك وهي ادبر راسها وخيمارات للعجائز و كتاتن تاع بينوارات عجوزي تفرقهم كيما تحب
وننصحك مدي غير للاقرب تاع زوجك لانو كلشي غالي والباقي مديلهم الصابون وشكرا

الله يسلمك أختي .راني عندى سلفة وحدة صغيرة. و مرت سلفي وحدة برك .إن شاء الله ناخد بدبارتك .بارك الله فيك البارح رحت عقدت .تهنيت لعقوبة للعرس نشاء الله..ربي يهنينا كامل.

سلام حبيباتي ربي يهنيكم نهار الجمعة الجاية ليلة عرسي ونهار السبت نكون في داري ادعيولي يالحراير

ألف ألف ألف مبروك أختي ربي يهنيك و نشاء الله تكوني الزوجة الصالحة و يرزقك ربي بالدرية الصالحة و يسعدك ربي معا راجلك و يجعلهولك الزوج الوفي و المحب .
أأأأأمين .

سلام شكرا لكن ضرك راني في داري وربي يهنيكم يا رب

الف الف الف مبروك عليك حرصون متقطعيناش رانا نحتاجو نصائحك

ربي يسعدك و يرزقك الدرية الصالحة

هيييي اسناوني دزتو فيها قعدة و نا غايبة على كل حال صح لكم المهم السلام عليكم ادا كنتم تتساءلو انا منين فانا من تلمسان و نضن انا الوحيد الي راني مالغرب حبيباتي اذا حبيت كاش حاجة و لا وصاية متتردوش واذا حبيت تعرف على التقاليد اانتاع العرس مكاش مشكل متعجبوش بزاف اذا قلتلكم اني من تلمسان بصح مدزوج بشاوي بور و بالضبط من عين البيضاء ولاية ام البواقي على كل حال اشكركن اخواتي و اختي الريمة نحييها على الفكرة تقريبا راه نطقت على لسان

اهلا بيك اختي منورة

السلام عليكن اخواتي عذرا انا متزوجة لكني احب ان انضم اليكن اظن اني الوحيد من الغرب و لاتستغربن اخواتي ادا قلت لكن اني من تلمسان و متزوجة بشاوي بعين البيضاء و لاية ام البواقي و هذه التجربة افادتني كثيرا لاني عشت ثقافتين بكل عاداتها المهم عزيزاتي لا تترددن في طلب استفسار او مساعدة و ساكون جد سعيدة لتلبية طلباتكن و اقول لجميع العرائس ربي يهنيكم كونوا فحلات ومن حبي مني لكم هذه الكلمات

انا بشرى من ولاية البرج عزباء اتمنى لكم السعادة والهناء لكل الاخوات

سلام الله عليكم يشرفني ان اكون عضوة جديدة في هذا المنتدى المتميز انا من باتنة اريد التعرف على تقاليد العروسة السكيكدية لانني ساتزوج في سكيكدة

انشاء الله

اهلابكن حبيبات قلبي وصح رمضانكم تقبل الله منا ومنكم اسفة علي الغياب وينكم يا عرايس وين لاحقين واش اخباركم

سلام لبنات هذى مدة مدخلتش ليكم وكاين لي راه نساني بصح انا منسيتكمش خلاص لوليتا حسرون اخت بلال ......................صح عيدكم وكل عام وانتن بخير انا تاني راني مع حوايجي نوجد فيهم كي نقعد راني نكتبلكم وش درت ومن الاحسن كل عروس في المنتدى تصورلنا وش شرات وتحطها في الصفحة نتاعنا

مرحبا انا شهرزاد من ولاية قسنطينة اتشرف لمعرفتكم

يا خواتاتي سمانة جاية جايين بشوفوني راني خايفة لاكان تقدرو تفيدوني بكاش نصائح

سلام بنات
nchallah tkounou b1

salam 3alikoum ana ismahen ana 3roussa jdida dakhlouni bina tkoum

ana min wahran "oran"

وين راكم يا عرايس اخر زمن نشطو الحالة لاه هذا؟؟

SALAM NEHAL COMMENT CA TU,

مساء الخير وشراكي؟؟

ca va w ntiya kiraki?
hkili chwiya 3la rouhek rani haba nat3araf 3lik

اهلا وسهلا بيك انا نهال من برج بوعريريج عندي 24 سنة مخطوبة والصيف العرس نتاعي ان شاء الله

وانت عرفيني بروحك؟؟

سلام يا لبنات هذي غيبة واش احوالكم شكون الي تزوجت