تعارف العرائس الجزائريات

اولا مساء الخير وجمعة مباركة
حبيت نفتح صفحة للتعرف و دردشة العرائس اتمنى تنال فكرتي اعجابكم و يلقا موضوعي اهتمامكم
اولا كل عروس مبروك عليها و ربي يكملها و انشاء الله تتهنا
ممكن نتعرفينا من اي ولاية انت و ل اي ولاية رايحة تزوجي Rolling Eyes

واي عروسةاو مخطوبة او مزالت تدخل تستفيد امعنا وراني حابة كل عروسة اتقولنا واش وجدت واش مزاللها وان شاء الله يتثبت الموضوع

بسم الله .
و الله فكرة روعة و نتمنى يكون عدد المشاركات كبير باش كل وحدة تفيد و تستفيد و في الأخير رانا كامل خواتات.

فكرة مليحة وان شاء الله تلقى الاهتمام والتنفيذ
وللاستفادة والافادة

مرحبا بيكم اخواتي انشاء الله نفيدو نستفادو لما لا

أخواتي .نتفتهموا مع بعض على و قت واحد باش نتلاقاو

ايييييييه صح مدابيكم نتفاهمو علي وقت

السلام عليكم والله اسعدني هذا الموضوع واتمنى ان تستفيد كل وحدة منا والى عندها الجديد او نصيحة ما تبخل علينا والوقت مهم باش نتجمعوا الكل والف شكر لكي حبيبتي لوليتى اختكم في الله .

السلام عليكم و ان من قسنطينة و يسعدني التعرف عليكن.

السلام عليكم و انا من قسنطينة و يسعدني التعرف عليكن.

انا من جيجل ادا امكن نتلاقاو الجمعة او السبت هكدا نتعارفو واش قلتو

انا موافقة ان شاء الله بعد صلاة الجمعة.

صباح الخير صدقيني كنت حابة نقتارح هذا الموضوع
انا من سطيف في جوان القادم نتزوج وفي نفس الولاية
بصح وين نتلاقاو لحد الان لم افهم
شوفو انا الام نتاعي توفات عندها 10 اشهر الله يرحم امواتنا امين المشكل مالقيت حتى واحد ينصحني

اهلين اختي harson سبق وقلتيلي ان الام نتعك توفات ربي يرحمها و يسكنها الجنة

ومرحبا بكم جميعكم
حنين25.بنت الشرق.بنت الجسور.نجاة م
انشاء الله نلقاو بعضانا و نزهيو الموضوع و نفيدو نستفادو مدابيكم نتعرفو علي بعض اكثر

كيف حالكم يا بنات هذه اول مشاركة ليا والموضوع هوا دردشة للعرائس والبنات اللي داخلين علي زواج ومش عارفين شن يديرو .. فيالهدرزه يتكلمو مع بعض بشكل مباشر وينصحو بعض ويتبادلو الخبرات باش منتحيروش
وأيضاً أي أستفسارات تخص البنات حول أمور خاصة جداً تعرض هنا ..
مدابيكم كل وحدة تعرفنا بنفسها كما تحب هي طبعا وقتاه عرسها ولوين رايحة عروسة و نحكو علي عادات وتقاليد المختلفة نتاعنا واش ناوين تديرو ف التصديرة
وممكن تقولنا وين واصلين مع الجهاز و نتناقشو ف الاسعار وممكن تاني تحطونا صور ....الدهب ....الخبرة ف المطبخ

نبدا انا اولا هبة الله من جيجل عمري 23 سنة خلصت الدراسة و راني نحوس علي خدمة
عرسي ف صيف 2013 بعد رمضان تنخطبت ف 2010 نتزوج لنفس ولايتي بالنسبة للجهاز راني موراه درجة درجة منيش قاتلة روحي هههههههههه ومنين يقولو ليوم العرس نرفد لي كتب ربي ونروح اممممممم

ويييييييييينكم وحدة مدخلت

صباح الخير اختي العزيزة
انا خلصت قرايتي اختصاص gestion des ressources humainesوضرك راني قاعدة في الدار لانو اخوتي اكل يخدموا واختي كذلك والخدمة لازم الواحد يصبر
انا مازلت مع لخياطة تاع التصديرة لانو تحكم وقت وmeme الزدف معظم لبنات مايلبسوهش
عاداتنا في سطيف كالاتي:
مطارح صوف +مخادهم+سني+قصعة العود تاع لعجين+قصعة تاع الحمام+الخرجة+الزور+الكوات+لملاحف+الثياب الي تلبسهم+.................
هذو من الاساسيات اما عن الجهاز فيه:
روبة عراسي+كوستيمة+sous vetement تاع كل حاجة لانو تحب تدي لعروسة حاجة حاجة او 2.3.4.... حسب الرغبة+les habillets+فط لجهاز+سلة فيها المكياج الصابون صبابط بيض حوالي 4.ولوازم البشرة........+فاليزا+sac
ولازم لعروسة تشري لراحجلها برنوس حمام+بيجامة+بشماق+sac de toilett فيها كلش
العرس في سطيف تقريبا جهز لعروسة

سلام على الجميع الله يسهل لكل عروس

اهلين اختي حرصون متشرفين و خيار الناس اممممم يوجد اختلاف ف الجهاز بيناتنا مع اننا قراب لبغضنا ربي يسهلك و يتمملك بالسعد

صباح الخير واش وانت واش عاداتكم انا نحب نطلع على عادات بلادي انتظر.......... rendeer

امممممممممممممممممم حبيتي تعرفي عاداتنا تفضلي

طبعا انا حطيت اقل شيئ ممكن الوحدة تديرو يمكن تزيد اكثر علي حسب مقدورها و ايضا درت الاشياء لي شريتهم ولي مزال

كوفيرطات4 درت 1 من الغاليين و شريت مام الرقيقة نتاع 60 الف مزالي 2 /احنا مندوش بزاف
كوات وحدة درت1
1 كوفرولي شباب درت 2 واحد بلون كاسي و التاني صنعت يدي مع 2 لي يجو كما ليكوات و هما رقاق يسموهم بوتي
2 دراوات (واحد برودي و واحد ساتان او كروشي) دايرة 4 نتاع الغرزة والكروشي و النابل و المسلول عندنا هدو لازم
2 ريدوات واحد ابيض و واحد بيج مازال
ديسوندولي خيريه يخرج مع كامل فراشك مازال
لي نابرون و التلايق تاع الخزانة
4 لي درا تاع كل يوم يعني لي درا امريمي عندي 2 ومزال نزيد
مخايد و مسند مازال
الصالون*******
2 مطارح بونج و لا صوف مازال
و الصالون ماروكان اللي راكي تحلمي بيه ههههههههه مازال
الطابي و الريدو و لاناب تاع الطابلة مازال
الملابس***********
تاع الحمام////////
سوغتي دوبان مازال
6 سرابت صغار و 2 كبار ديري حاجة شابة وحدة كبيره ومزال مكملتش
بوشات دو توالات و المشاطي و الكوسميتيك ...................الخ لملمت شوية طراطق
تاع الشومبرة///////////////
ديزابيي شباب تاع العرس ابيض الله الله ههههههههههه منديرش هههههههههه
غوبدوشومبغ وحدة تاع الشتا و 2 تاع الصيف وحدة نتاع الشتا ووحدة نتاع الصيف متوسطين مزالولي 2 ماركة هههههههه
2 بيجامات تاع الشتا عندي 3 ومزال
2 تاع الصيف عندي 4
لي نويزات كيما حبيتي اوهوووه وحد ال 10 لحد الان
لي سوفاتمون تاع كل يوم و تاع الليل ههههههههه يعني ديري شحال حبيتي
شورت و لي ديباغدوغ و الفيزوات و التريكوات تاع اللحم ........الخ كلما تبقالي مصيرفة نشري بيها
تاع الدار////////////
الجبب تاع الصيف ديري 5 ملاح و زيدي 1 و لا زوج غاليين تاع كي يجوك الضياف مازال
الجبب تاع الشتا ديري 4 و 1 و لا زوج شابين تاع الضياف مازال
البلايغ حاشاك ديري واش يخرجلك مع حوايجك مثلا ديري 2 شابين غاليين و لخرين تاع 50 و لا 40 الف مع الجبب تاع كل يوم لميت شكارة هههههههه
ديري 2 جيب مع لي بودي تاوعهم شتا و صيف .................
و تاني 2 سراول كلاسيك مع لي بودي او لي جيلي كيما تحبي انت ......................
و ادا حبيتي تزيدي ديري تاني روبات شابين 1 و لا 2 درت ومازال
تاع الخرجة ////////////
مونتو اسود شباب درت 4 مونتوات مزالي واحد او كما نقدر
2 حجابات تاع شتا مع صباط و بوت و ساك و خيمارات خيمارات و 2 ساك
تاع الصيبف ديري ملاية و اونسومبل و لا زوج باش تبدلي و حجاب و جلابة ادا تحبي هاداك الستيل
الحاصون تاع الخرجة ديري واش يخرج عليك لانو كل وحدة و الستيل تاعها ............. درت علي حساب الدوق و مزال

مع لي صاك و الصابط او لي سوندال يعني كيما تحبي مازال

حبيت نزيد حاجة نتاع الصالون شوية اكسسوارات تزيني بها تجي اسورتي مع الصالون مثلا فاسات ........... الخ و متنسايش لينابرون تاني

التصدييييييييييييييييرة************************

اهم شيئ الفرقاني لانو العروس الجيجلية تحني فيه و تلبس الدهب تاني

صباح الخير عزيزتي شوفي عندنا نفس العادات ماعدا الجهاز لانو اللون الاسود فال ماشي مليح وتحاول العروس ماديرش اللون الاسود في الجهاز على قد ماقدرت
وثاني عندنا العروس تدي معاها les services تاع الحليب وتاع القازوز علبالك بالعقلية كي تدخل العروس يحبو يزوروها عائلة العريس باه يقارعجو مليح ههههههههههههه
شوفي انا الي شريت لحد الان:بصح نزيد شويا
2 كوات 2 كوفرلي 2 كوفرلي تاع لكروشي 2 مخاد تاع الدلال 3 مطارح صوف 12 مخدة صوف قصعة الحمام تاع ناس زمانننن 2 زور حوايج الكوزميتيك كامل دزهملي خويا من فرنسا ماعدا المكياج 15 sous vetements
10 chemise de nuit
2 بوت زعما زعما 6 صنادلفوررررررررر 4 صبابط فوررررر 17 روبة تاع الصيف مخلطين بين تاع ديما وتاع الضياف 6 روبات الشتاء 3 عباءات من الغاليين خيمارات بشامق حشاك ماشي بزاف البنطوفات حوالي 2 حوايج المدان لاهل العريس 8 les sacs مونطوات واحد قري وواحد ابيض اغطية المائدة 2 لوازم تزيين الخزانة والطابل دو نوي 6 فط الوجه و2 فوطات كبار وفوطة تاع الرجلين حاشاك برنوس الحمام 3 دراوات ملاح و3 تاع ديما 3طابليات للشغل 3 بيجامات للشتاء و2 تاع الصيف والقش تاع الخرجة ندي تاوعي ونزيد
قوليلي راني تقريبا واجدة الوحدة قد ما ادير تقول قليل

اممممممم والله راكي صدرتي مبقالكش الكثير بالصحة عليك انشاء الله تتهناي

انا مازال عرسي حتي ل 2013 هد السمانة راني هابطة للعاصمة كاش منلقا دي زوكازيو ملاح

بالنسبة للون الاسود احنا نديرو الالوان منكثروش منو لكن عادي لتحب دير دير

حبيت نسالك شحال لازم الملابس الداخلية علابالي نحتاجوهم وعلابالي نديرو قد منحبو مي
شحا نديرو بالتقريب مثلا لي دوبياس نتاع اليالي الملاح ....
و لي مفردين نتاع بدوم ..
مع اني اغلب النسا قالولي نوعي ف ليطاي لانهم يعراضو بعد الزواج و سورتو ايلاكان حملت الوحد بشهرها اممم و بعد الزيادة تاني ههههه قالولي كامل رانا عودنا شرينا من جديد

تاني المكياج قالولي متكثريش لانو ضيعة بوات وحدة متوسة وباهية تكفي

على كل ليبرودوي هم لي نسحقوهم اكثر Wink

الفراش راني معولة ندير 4 مطارح صوف 6 مخايد مع المسند اممم

حرسون قالولي ناس سطيف يدو اكثر منا الفراش

الله يبار هههه هد الروب نتاع الصيف كامل امممم انا ناوية ندير غير 4 لاني منحبهمش Sad

و نزيد 2 نتاع المشرى و خلاص و الشتا نشري وخلاص و نتاع العز تاني

كوكو راكي هنا

مساء الخير عزيزتي حنا عندنا الطفلة قد ماتدي قليل بصح كل واحد ومقدورو لازم الواحد يقدر الظروف شوفي les sous vetements من الاحسن تنوعي في الالوام ماشي اكل تشريهم تاع les penges
اما الروبات هذو هوما العادات وانا رايحا نسكن مع عجوزي لانو شيخي توفي قبل امي ب2 شهرين اما المكياج صراحة انا عمري مادرتو مانحبوش نشتي لكحل برك بيريمي بصح زين المراة في تربيتها وحياءها ولا واش قال؟
وكاشما تحتاجي قوليلي

ايه صح اوافقك الراي انا عكسك نسكن وحدي انا زوجي يحب المكياج و هو لي يشريلي هههههه

شكرا اختي علي النصيحة
ولكن اين الاخريات

صباح الخير راكي تغيري فيا هههههههههههه صح المكياج من الثانويات بصح نحاول نديرو على قدر المعقول وشكراااااااااااااااا

السلام عليكم واشراكم يا عرايسنا الشابات انا من ولاية تبسة وعرسي قريب يعني في اول الصيف كاش ما كان عندكم موديلات قنادر للتصديرة وشكرا لكم وربي يسهل لكل عروس ولعقوبة لللي مزال

واش هي عادات تبسة Wink

السلام عليكم اختي الحبيبة نحنا عداتنا عندنا العرس 3 ايام اليوم الاول يجيبو فيه اهل العريس الكبش للعروس و اليوم الثاني يكون العقد بي الفاتحة معا امام من المسجد وفي الليل تكون الحنة تتزين العروس ويجيبولها الكسوة و يحنولها على الذهب كل واحد واش يدير كاين لي يدير مقياس وخاتم كبير كل واحد علش يقدر والنهار 3 يديو العروس لبيت العريس وربي يكمل لكل عروسة وعريس هذذذذذذا ما كان و شكرا

صباح الخير اختي حنا عندنا العرس 3 ايام اليوم الاول يجيبو لكباش وشكارة دقيق والدهان ويديو جهاز لعروس كامل وعائلة العروس يستقبلوهم بالرفيس والكبدة بعدما يذبحو واليوم الثاني يديرو للعروسة الخاتم يعني فيونساي والعشاء عند العروس بربوشة وشربة وعند لعريس يديرو الدوارة وفي الليل يحنيو للعروسة واليوم الثالث يجي لعريس يخرجها وعائلة لعريس يستقبلو لعروس يالغناء تاع بكري والدهان تحطو لعروس في عتبة الباب زعما الرزق الي يجي معاها وفي الصباح لعروسة ادير لغريف في دار لعريس ويخبطها اخ راجلها في ظهرها ويربطلها بخيمار ابيض زعما تدخل وماتخرجش حتى تدفنو او يدفنها وامبعد يجيو عائلة لعروس يجيبولها القاطو تاع الصباحة وهي تعاود تصدر ومن هنا يقدروا يروحو لشهر العسلللللللللللل Very Happy

الله يبارك تقريب تشبه عداتنا يا خبيبتي انشاء الله ربي يصلح وتكون زواجت العمر يا ربي ممكن تعرضيني عندك حبيبتي باش نفهم اكثر ههههههههه شكرا

مساء الخير اختي والله غير مرحبا بيك الدار ليك والعتبة لينا وراني عند كلمتي والعرس ان شاء الله في جوان وشوفي كيفاه نتاصل بيك ونهدرو مليح
اهلا بيك

السلام عليكم شكرا حبيبتي والله لي الشرف ان اكون عندك ربي يحفظك انشاء الله وربي يهنيك معا زوجك انا تاني عرسي في جوان انشاء الله نكون احباء على وجه الله دمتي رائعة و الف شكر لكي الله يهنيك بصاح انتي من اي ولاية يا حبيبتي .

انا من ولاية سطيف العالية I love you

يا الله لو كان تعرفي قداش نحبها واتمنى زيارتها انا عندي قصة كبيرة مع سطيف العالية كلكم ناس الجود والكرامة نتشرف بيك اختي لكي مني هذه الوردة لكي ولي اهل سطيف العالية

السلام عليكم اخواتي العرايس ربي يكملكمك انشاء الله ويهنيكم انا نهال من برج بوعريريج انا تاني مخطوبة وحابة ندخل في هاد الدردشة ادا مزالت كاينة انا في اكتوير ندخل (العرس نتاعي) بصح مزلت مدرتش والو غير 3 فراشات 2 باصتان و 1بالطرز على الشعرة وش نزيد ندير راني نستنا فيكم ربي يعاونكم وحدا من الاخوات قالت راني رايحة للعاصمة باه تشري كاين بلاصة في العاصمة وسمها بومعطي فيها حوايج روعة ورخاص

مساء الفل انا صليحة من سطيف لكل الاخوات العزيزات فرحانة بزاف كيراني نتواصل معاكم ومد بي نتشارك معاكم نفيد ونستفاد ومبروك لكل العرائس ولعقوبة للي مزالو ورب يوفقكم وبشوي برك كلش يفوت وحبيت نقول لبنت الشرق اهلا بيك في سطيف العالي حتى سطيف تتمنى زيارتك ليها يالزينة ورب يخليك وردة مفتحة سلام

سلام اخت nehal
مابقا غير لكثير الصح في الغطاء حاولي تخلصي لمطارح لمخاد الزور الكوات ديري بالزوج على خاطر غمضي عينيك تلقاي الوقت لحق واي ولاية على خاطر كل ولاية تختلف عن الاخرى واش عندكي لحد الان؟

سلام .انا من بليدة و عرسي الربيع الجاي ان شاء الله و انخطبت السمانة هذه و نزيد بالتحديد................1/1/2012................و مازال مابديت والو و مادبيا كل وحدة تقترح عليا باه ماننسى والو.و ماتنشاوش سومة تاع كل حاجة

سلام اختي الفاضلة كل ولاية والسومة تاع لحوايج واش وجدتي؟ باه حنايا نفكروك ونعطيولك اقتراحات

سلام اختي الغالية و كثر خيرك.انا لحد الان شريت شوية حجات عندي.3بجامات صيف.3بجامات شتاء.5نويزات.1كفرطة.1درى بغرزة الحساب.2سرفيت شتاء.4بنتوفل.2بلايغ تع الدار.10انسبل داخلي.2صنادل سواغي.وحدة كحلة بدوغي و الثانية في الارجون.صباط كحل تع الخرجة.و 2بوت دومي طالون واحد دان و الثاني جلد.و2كفاليار واحد بني و الثاني في البوغدو.و روب قصيرة سواغي.و 6بودي تع قطينة.2بوديهات صواغي 2 جوب سواغي .وهد الشهر ان شاء الله راح نشري 2كوات سختي دبان ليا و لراجلي.مع السرابت.راكم تعرفو المصروف شوية قليل و زيد مانخدمش .قلت نشري قماش و نخدم واحد تع الكروشي بالستان و واحد نرسم على الحرير.الحمد الله نعرف نخدم وحدي و تاني ساومت القماش باه نخدم قفطان شباب بزاف صبت الميترة ب2500دج.و زيد خياطتو ربي يستر.و درك سمعت راهم دايرين الصولد على حجات بزاف .قلت نشري لباس تع الدار و اللي نخدم به الشغل الدار.هذا واش درت لحد الان عندي 3شهر و نقلكم الحق ماكنت نشري والو قلت حتى يجي نصيبي باه نوجد روحي .ايه و دوكا راني حاصلة.ربي يفرج علينا و ان شاء الله كل واحدة تتهنى بنصيبها.قولوا امين

امين ختي الغالية يملا انا نقلك عندي 11 شهر ملي تخطبت يعني في ماي الي فات ومزلت هدا وين بديت ربي يفرج متقلقيش روحك زيد راكي عارفة المصاريف سيرتو انا و ختي في الدر تاني مخطوبة يعني رانا بدينا بالشوية انا درت كوفالي نتاع صاتان 2 عش النحلة( روج بريكي) و الضفيرة(بلو تيركوا) و 1كروشي في الكتان(وردي) و 1 مطروز بالشعرة(عسلي) و 1بالبرودي سامبل (صفر) رايحا نحط هدي السامنة على صالون ماروكا لقيتهم في المسيلة( لخاطر انا نقرا تم في الجامعة) ملاح ب 3 ملاين حاجة هايلة نزيدكم حاجة القماج عندنا في البرج كاين واحد يبيعهم غير ب 40 الف و 50 و 60 روعةة ادي وش تحبي انا شرية منهم 6 ومزال.هنا التصديرة مكانش يعني راحا نخيط غير وحدة برك ماما خياطة يعني راحا نعاون روحي بالبزاف مزال نزيد نقلكم وش عندي ربي يوفقكم

اختي isma.m
شوفي ديري روبات تاع دار صيف وشتاء منهم 3 ملاح والباقي عادي هذو هوما الي ماتندميش عليهم ولفراش ديري مقدورك الحال غلا وكل واحد يدي مقدورو ولخياطة ديري 3 او 4 يكفي لانو ماشي دايما لعراس ومع الوقت تروح la mode ديالهم
و2 زور 2 كوفرلي تاع لكروشي 2 كوفرلي عادي 2كوات 1 خرجة ملاحف ملاح 2 و4 عادي لمخاد زربية تكون مليحة سني هذو الي تركزي عليهم والباقي يجيو وحدهم انا صدقيني مين يطيحو في يدي الصوارد نشري قبل مانتخطب ومالحقتش لانو غلات الحالة تصوري قمجة ب4800دج انا عايلتي الي في فرنسا عاونوني في حوايج الصابون و......... الصبابط روبات سواريه les sous vetements وربي يعينك انا قريب عرسي صدقيني مانيش نرقد علبالي مايجي يلحق جوان نكون نوزن 20كيلو

يكثر خيرك اختي على النصايح ديالك.البارح رحت لساحة الشهداء.تعرفي حطوا العجب و سومة رخيصة عليها سريت 2 كوات ب 2800دج للواحدة بعد ماكانوا يديروا5200دج للواحدة.واحد اخضر زيتوني و الثانية موف.يهبلوا.و سريت بجامة 3بياسات فيها بونتاكوغ و تريكو بروتال و معاها بينوار ديالها ب1000دج شريتها زرقاء.و 2روب تاع الدار ميدي قلت نديرهم لشغل تع ربيع الواحدة300دج.مع كل وحدة شريتلها بلغينة تع البلاستيك هكدا مانزلقش.الوحدة ب150دج.شريت في اللون رمادي مع الوردي و الثانية غوز بون بون.2بشاكر ب1800دج للواحد.خيرتهم بيض بلزرق.ايه جبادور فيه ليكات فصالتها كيما القفطان النغربي و مزركشة و سروالها سروال علاء الدين.ب1500دج.لونه زرق تركواز.و كمت دراهمي و بقتلي منهم غير50دج باه ركبت و رجعت للدار.و قعدت في قلبي الف حاجة و حاجة قلت و الله غير نولي باه نزيد نشري.و الروب تاع الدار للصيف حتى نروح لوهران.مرت خالي تخدمهم هبال بزاف فور.و زيد الكتان عندهم شباب بزاف حت الدنتال و الحرج نصيب على كل نوع قلت ندفعلها تخيطلي 4تع دار و 2 فصالت القفطان هكذا اذا جاء كاش ضيف على القهوة نلبسهم.راح نشوف كيفاه ندير باه نزلكم تشوفوا الصور تع المشتريات ديالي هكذا ترجعولي لخبر .تهلوا في روحكم باه كل واحدة تكون شابة نهار عرسها

سلام اختي تلبسيهم بالصحة والهناء ويكونو وجه السعد عليك انا لبارح خلصت كلشي مره بقاولي غير القاطو تاع الصباحة والحمد لله علبالك الواحد مايدريش البيبان الي ربي يفتحهملو وان شاء الله ربي يهنينا اجمعين والروبات ماتكثريش وادي تاوعك الي تلبسي فيهم لعادو جدد وملاح ماشي عيب ولبشامق حاولي تشري الوان يتلبسو مع كلشي لانو كون اي روبة تشريلها بشماقها لحوانت يسكرو خصوصا حنا النساء مانشبعوش كيما الكوات شريتي خلاص ماتزيديش تشري غير لجاتك هدية ضرك الدالة تاع الزور وبشوي بشوي تخلصي وننصحك ابجداي بلفراش قبل هو الصعيب والباقي يجي وحدو

سلام اختي الغالية.تعرفي وحدة تعرف عمتي و موالفة تجي لعندنا.بنتها تخدم المجبود و الفتلة و كي سمعت انخطبت قالتلي هي تخدملي الكراكو فيستة و السروال بالقظيفة.قالتلي خيري اللون برك و اعطيني دراهم القظيفة برك.ماعرفتش وش ماللون نخير انا جاية مات في الكلاغ معنتها ماشي بيضة و ماشي سمراء.قلت ندير الكراكو ازرق قاتم او موف قاتم. واش رايكم وش مالون الي يخرج شباب كثر.........تعيشي عاونيني باه نشري القظيفة قبل ماتدور في رايها

فرصة ذهبية وجديدة لمن يريد أن يحصل على راتب شهري ثابت وللأبد وبدون أي رأس مال مد

موقع أجتماعي جديد مثل Google , facebook يدفع نصف أرباحه للاعضاء المسجلين قبل 9/4/2012.

ملاحظة: قبل البدء بشرح المشروع أرجو من جميع من يقرأ هذه الصفحة أخذها بجدية لأنها يمكن أن تغير حياتك .
(علما أن التسجيل مجاني ولا يوجد تعريض لأي مستخدم للخطر)

الأسم هو WAZZUB هذه الشركة هي عبارة عن شركة تستثمر الملايين لتأسيس موقع ضخم ومتعدد الاهداف مثلGoogle.
لكن هذه الشركة تعتمد حاليا طريقة جديدة مسجلة كبراءة أختراع لنشر الموقع وخدمة الزبائن .

كيفية العمل؟؟ كثير منكم يعرف أن Google خدماتها مجانية لكنها تربح أكثر من 500$ كل ثانية وهذا من الدعاية والأعلان وكذلك Facebook .

شركة WAZZUB هي شركة جديدة خططت لتوزيع 50% من أرباحها كنوع من برامج الدعاية لكل مشترك قبل تاريخ الأطلاق فقط 9 / 4 / 2012 .

كيفية الحسبة ؟؟ هناك شيء يسمى معامل الدولار أو $ factor وهو يزداد (1) مقابل كل شخص أنت دعوته عن طريق الرابط الخاص بك أو دعاه شخص ممن دعوتهم حتى (5) مستويات للدعوة فقط .
يعني كل شخص مدعو عن طريقك أو عن طريق من تحتك هو سهم لك وله عائد شهري يساوي دولار .

الموضوع سهل أنشاء الله . من منا ليس لديه 5 أصدقاء ؟

لو أنت وهما كل واحد دعا (5) أصدقاء . كم يكون عن طريقك من المشتركين ؟
5×5×5×5×5 = 3125 شخص , أي 3125 دولار شهري مدى الحياه .
مثال على ذلك
1st. Generation 5 x $1.00 = $5.00
2nd. Generation 25 x $1.00 = $25.00
3rd. Generation 125 x $1.00 = $125.00
4th. Generation 625 x $1.00 = $625.00
5th. Generation 3125 x $1.00 = $3,125.00

ملاحظة: هذا ليس تسويق شبكي وهو غير محدود للمستوى الواحد. حيث يمكن أن تدعو 3 أشخاص أو 300 أنت حر بقدر كم من المجهود ستبذل . وهذا خاص فقط للناس المشتركين قبل 9 إبريل

سؤال 1: ما هو موقع Wazzub ؟
جواب: Wazzub هو موقع أجتماعي جديد مثل الفيسبوك , تويتر , جوجل , موقعنا يستخدم نفس التكنولوجيا مع بعض الأضافات .

سؤال 2: بماذا سأستفيد منه ؟
جواب: موقع Wazzub موقع ربحي تستطيع من خلاله جني الكثير من الأموال، أول خطوة هي التسجيل لكي يزيد عدد المستخدمين فيه ومن ثم سيتم دفع 50% من جميع الأرباح على الأعضاء و 50% الأخرى تذهب إلى المساهمين الذين يستثمرون الكثير من المال لجعل WAZZUB يحدث ويصبح ثورة المواقع .

سؤال 3: بعد التسجيل ، ما هو المطلوب مني ، هل سأضغط على إعلانات أو سأشتري شيء ما ؟
جواب: لا طبعا , كل ما عليك هو التسجيل فقط ، ولن يطلب منك إلا أن تجعل صفحة الموقع صفحتك الرئيسية (Home Page) كدليل على نشاط عضويتك فقط لا غير .

سؤال 4: إذا كنت سأجني المال من هذه الشركة ، فما هو دخلها هي أصلا ؟
جواب: أنت تعرف موقع الفيس بوك و تويتر و محرك البحث الشهير جوجل وكلنا نستخدمهم هل دفعت لهم في يوم من الأيام ؟ طبعا لا ، ولكن لأنهم يضمون ملايين المستخدمين أصبحوا يجنون الملايين من الدعاية والأعلان ، ودون أن يدفعوا لنا شيئا ، أما موقع wazzub فهو مختلف تماما وستعرف كل شيء في حينه .

سؤال 5: متى سيدفع لي موقع Wazzub ؟؟ وكيف ؟؟
جواب: الموقع سيفتتح رسميا يوم 9 أبريل . وأول دفعة ستكون بتاريخ 15/5/2012 أنشاء الله .. سيقوم الموقع بإرسال المبالغ الصغيرة على حسابات البنوك الإلكترونية الخاصة بالمستخدمين في حين المبالغ الكبيرة تتم بواسطة شيكات أو تحويل بنكي . لكن لابد أن يكون لديك 3 أشخاص عن طريقك شخصيا على الأقل لتصبح مؤهلا لسحب الأموال .

للأشتراك (المجاني) أضغط الرابط التالي :
* يفضل التسجيل ب gmail أو yahoo لو سجلت ب hotmail ربما تجده فى courrier indesirable فمن الأفضل الأبتعاد عن الهوتميل ونسجل بالياهوه أو الجميل لأن اللى حيسجل وميفعلش التسجيل لا ينظر إليه ويفقد ربحه .
وهذا رابط التسجيل
http://signup.wazzub.info/?lrRef=5a3a5636
1- املأ الاستمارة في اسفل الصفحة .
2-إذهب الى ايميلك واضغط على الرابط الذي سيرسله الموقع لك وهكذا انتهى التسجيل بنجاح *.
* ملاحظة: يجب تأكيد الأشتراك عن طريق إيميل تبعثه الشركة بعد الأشتراك مباشرة وبدونه لن يتم تفعيل حسابك ولا ينظر إليه ويمكن أن تجد الرسالة في (spam) لأول مرة .

بعد أن يفتح الموقع ستجد في أعلى اليمين زر فيه مفتاح إضغط عليه لكي تدخل الى حسابك .
وداخل حسابك سوف تجد رابط التسجيل الخاص بك (لكي تدعو أصدقاءك عن طريقه) وعدد الأشخاص الذين يزيديون برصيدك يوميا أنشاء الله .
وهذا الرابط يشبه الرابط الذي زودتك به في هذه الصفحة وهو رابطى الخاص
قم بالضغط عليه لينقلك لصفحة التسجيل

ملاحظة بعد ان تصل لموقع الشركة وتقوم بالتسجيل سوف ترسل لك الشركة ايميل لتفعيل حسابك وبعد ان تفعل حسابك يصبح لك رابط خاص لتدعوا

مساء الخير عليكم عرايسنا ومرحبا بيكم في صفحة العرائس لي منورة بيكم

مبروك للتخطبت جديد

و بصحتها ليكتبت واش شرات لعقوبة للي مزال

ربي يرزقكم و يهنيكم اميييييييييييييييييين

الاخت لي طلبت موديلات فساتين البيت
جبت شوية موديلات من النت

تعارف العرائس الجزائريات 764793993

» هدية لكل العرائس
» متجر نهال لتجهيز العرائس