ارجوكم ساعدوني راهم جايين يشوفوني...ماذا افعل

مبروك عليك اختي و ربي يكملك و يهنيك .انتي تكوني موجدة لحلاوات من قبل .وحد 6.هكاك 3 تحطوهم مع الموناد .و 3مع القهوة .وهدا يرجع للناس يلي جايين ادا فيقليل متكتروش.
أما بانسبة ليك ألبسي حاجة تكون خفيفة و سامبل مام شعرك ديريه سامبل و الماكياج تاني خفيف باش مايقولوش بلي المكياش خبانا و جها .
و بالنسبة للدخول كي تدخلي أدخلي مع و حدة كبيرة يعني مك و لا خالتك و لا عمتك.سلمي عليهم و قعدى في بلاصة تكوني مقابلتهم كامل.وساعة على ساعة بتاسمي يابعدا كي يعودو يحكيو معاكي .
نشاء الله نكون أفدتك و لو بالقليل .
شكرا.

انا جاو خطبوني الشهر لي فات و انا طفلا وحدا مي شوفي وش درت
درنا مقرود + بقلاوا لاااااااازم + قاطو باللوز + قاطو بالجوز + قاطو بالشوكولا + سابليي
6 انواع قاطو
وجدنا السينيا في الصالو و غطيناها بالنااب
و كي دخلو قعدو يحكيو و على الساعة 4 و 30د حطت ماما الحليب و القهوة
كي كملو القهوة دخلت انا
كنت لابسا منصورية mauve claire تع الخليج اديكا
درت شعري عند الحفافة بروشينغ بوكلي
و الماكياج كحلت شوييييا عينيا و درت فار ا جو far a goux و gloss transparent
دخلتني ماما قاتلهم هاي عروستكم
سلمت عليهم و سلمت على عزوزتي 4 تسليمات
قعدتني ماما بحداها
ابتسمت معاهم
و صوروني مع عزوزتي
و كي جابو le jus قصو الطارطا لي جابوها الخطابين
و سربات ماما شوكولات féréro
و صحن كبيييير تع les fruits
و ما حكيتش حتان حكاو معايا و لبسوني la bague
و سلمو عليا و قالولي مبروك
و عدات روووووووووعااااا و كان اكبر يوم في حياتي خايفا منو بصح عداااااا tres bien و الحمد لله
نشاله ما تخافيش و تفوت bien الخطبيا تيعك

حاجا وحدا ما حطيش ماكياج بزاف و عندك يقولولك ما تحطيش خلاص pcq aw lazem el makiage aki 3roussa


ربي يهنيك يا اختي و كي تفوت الخطبا تيعك احكيلي

اييييييييه نسييت كي جاو رايحين عطيناهم النص تاع البلاطو تع القاطو لي جابوه
باي

احكينا على الخطبة تاعك كيفاه عدات يا صاحبة السؤال

بالنسبة للاخت التي حكت عن يوم لبست الخاتم و ردتلهم نصف صينيه القاطو اف مبروك اختي لكن هذا بعد ما شافو و رضيتو الاخت تتكلم على اول مره جاو شوفو عادي غير اهلو و اهل داركم البسي صانبل مثلا طايور شتوي اذا كنتي في شتاء و احكمي شعرك سانبل و ماتماكيش من غير شوية كحل او كريو فقط لا تعملي شيء لان يوم شوفه و لما يجو ادخلي اقعدي و رحبي بيهم كانهم ضيوف عادي و كني طبيعية و خليهم يالفوك لا تتحسسي نفسك ان يوم امتحان بل عادي الطبيعة افضل و ربي يكمل و المره الجايه ديري واش حكات الاخت وروحي للحفافة و ووو

مساءءء النور يا اختي هذا يوم تقدري تقولي من المواقف الحساسة و المنفردة في حياة اي فتاة و لكن ماشي لدرجة الرعب و الخوف لكبيرو اي واحدة تحس بالتوتر في هاد الوقف المهم انا فات عليا و كي جاو دخلت عند اهلوا و دخلت القهوة و لبست سامبل(روبة نتاع بنات و ماشي نتاع دار تكون مليحة )و درت ماكياج مي خفيف شافوني من بعد دخلت انا و يماه عند لعريس هههه و دخلتلوا قهوة تاني و سربيتلو و حاجة باينة تكوني متوترة و رجليك يرجفو مي معليه تم تم تروح و مطولتش و خرجت و الباقي تعرفيه اما بالنسبة للقاطو ديري 3 انواع فيها براكة هادي عشية و مفيهاش كيما نقولو عرضة كبيرة و لك الاختيار و ربي يسهلك حنونة و خبرينا بالجديد ربي يوفق