جلابة خطوة بخطوة

نبداو على بركة الله
ناخدو القياس خاصنا
.عرض الظهر: هي القياس من الكتف الى الكتف
.عرض الامام: هي القياس من الابط الى الابط من فوق التديين
.محيط الصدر: هي الدورة ديال الصدر فوق التديين
.محيط الخصر: هي الدورة وسط الخصر اي فوق الكرش
.محيط الحوض: هي الدورة ديال الحوض
.طول القامة : هادي كاناخدوها من تحت العنق من جهة الظهر الى نهاية الظهر اي طول الظهر
.اما الكتف=15 طول الحوض= 18 العنق=7 هادو ماكيتبدلوش
.الطول الكلي : هو الطول من الكتف الى الطول المرغوب فيه
دابا ناخدو القياس ديال الكم
.طول الكم: القياس من الكتف الى الطول المرغوب فيه الى الكوع او الى المعصم
.محيط الدراع: هي الدورة ديال الدراع
.محيط المعصم: هي الدورة ديال المعصم القياس المرغوب ضيق او عادي او واسع
. عمق الكم : هادا فيه الحساب الطريقة ديالو معقدة غادي نديرو نيشان 9.5سم
يالله خودو القياس ديالكم اولا ديال بناتكم و قولولي باش نبداو الباطرون ديالنا

انا معنديش الورق الخاص بالفصالة غادي ناخد غير الجورنال و نلصقهم حتى نوصل للطول لي بغيت

في الراس على اليسار نديرو النقطة Aو نزلو الىY بالعنق 7سم و من A الى T بنفس القياس باش نديرو الرقبة

كانزلو من A الى C بطول القامة انا عندي 45سم

تم نصعد من الى بطول الحوض 18سم و نزلو من الى بنفس القياس ديال طول الحوض 18سم

دابا نمشيو للعرض نديرو من A الى J بنصف عرض الامام اي قياس عرض الامام نقسموه على 2 و نمشيو من B الى M من جهة العرض بنفس القياس

كانديرو خط من بين J الى M

دابا كانديرو من B الى N ربع قياس محيط الصدر + 3سم اي محيط الصدر مقسوم على 4 ليخرج لينا كانزيدو عليه 3سم

نفس القياس كانديروه من D الى E

كانصيلو بخط من N الى E

دابا غادي نديرو الكتف كانزلو من J الى J فتحة ب 4.5 سم و نصيلو من J فتحة الى T بخط

و كانديرو تحريفة ديال الكم بالمسطرة الخاصة

دابا نزلو باش نديرو البانسا ديال الجنب كاندخلو منcالىc' فتحة ب 2.5 سم

و كنصيلو بخط بين N و G فتحة وبين G فتحة و E

دابا غادي نديرو البانسا ديال الوسط كانقيسو المسافة ما بين G فتحة و C و نقسموها على 2 و من هاد النقطة كانزلو ب8سم و كانطلعو ب10سم

و كنديرو خطوط بحال هاكا

بالنسبة للمبتدئات اوقفو هنا لحقاش انا كاتعجبنيو الخياطة بحال الخراط كامشي للتحريفة ديال الكم و من الوسط كنحرف حتى البانسا ديال الوسط و من الوسط كنزل بخط مستقيم حتى للتحت حتى للطول ليبغيت ديال الجلابة