اختاروا من 1 الــــــى 27

مرحبا
انا اليوم جمعتلكم مجموعة من البوقالات وكل ما عليكم فعله هو عقد النية على شخص معين او حدث منتظر بعدها

بسم الله بديت...... و على النبي صليت ..... يا ربي كملي واش نويت

1-دزيت باب الرياض ...والنسري ناداني... والورد فتحلي الباب ...والزهر عانقني ...والياسمين ذالك الشباب هو لي معذبني

2-ما نديها طويلة ...سلوم راشي .... ما نديها قصيرة.... فكرون ماشي.... نديها مربوعة قد... كي علم الباي ماشي

3-مشيتي عالية... وطولتي دالية... شبان ورجال ... يتبعو فيا ويمشو مذلولين ...مثل حمير القرية والبادية...ومن غير المولى وحبيبو

ما في مين يعلى عليا

4 -خرجت في الليل ...نطلب في الله ...صبت النجوم دايرن ...وقالولي صلي على رسول الله...*ص*... ولي تستناهم راهم راجعين

5-قالي طبيبي ...بلاما يدري تداوى يا عليل ....ودائي ودوايا عند حبيب لمحبتو بخيل ....وقتاش يا عمري ترحمني ...وترحم دموعي

لي تسيل؟؟؟

6-الاسمر يا لسمر ...يا شباب الحومة ....وشبيك غضبان وزعلان علينا.... احنا ما نسوى

بلا بيك... لوجه ربي... راضينا وراضى علينا

7- قريب الرفيقة ...يا قريب الرفيقة ...بيني وبينك طويقة ... يا مخلي في قلبي شقيقة

....تروح وين تروح... بصح تعيا ترجع ليا ونرد لقلبك الحريقة

8-ما ناكلش من جنان الجنة لو يشهيني ....وما ناخذش الشيخ ولو يغنيني...ناخذ الشباب

بيض ولا سمر ...المهم هولي يملالي عيني

9-دزيت باب الحبيب ...دفة على دفة... فراشو من حرير نرقد وندفا.... بوقالو من ذهب

نشرب لا نروى... وكلامو من عسل ...غير نذوق نشفى

10-انت سبيبط.... وانا خويط فيك.... انت سنيسلة.... وانا خمسة تحميك... انت خويتم

وانا حجرة تبهيك ...وين تروح تلقاني وغير انا لي نديك

11ـ هبط لقاع البحر ، فرّشت زربية ، خرجت لي جنية ، قالت لي واش بيك يا بنية ؟ قلت لها راحوا حبابي و خلاوني وحدانية.

12 لو كان السعود تنغرس بالعود نغرس ميات عود في وطيّة ، لكن السعود بيدّك يا معبود . يا سقام السعود سقم لي سعدى. ـ

13ـ رشّيت عتبة الباب بالزهر و الطّيب ، وسقيت كل الأحباب بالعسل و الزبيب ، و كى نسيت جاني جواب كنت نستناه من عند البعيد.

14ـ مدّيت لقاع البير و فرّشت زربية ، حرقست حرقوس ذهب من راسى لوذنية ، فرحي يا يما سعدى زها ..و استشفاي في العدو إلي استشفى في

15 يما يما ديريلي تويقة في وسط الحديقة باش نشوف زهرى كي تجيبو ذيك الوريقة.

16ـ ديديويا..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي .

17ـ الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوبـ.

18ـ خرجت نهار الجمعة ، في يدى شمعة ، قالولي أمسحى ذيك الدمعة ، و انساي الخلعة ، قريب يتلموا احبابك و صحابك و يفرحوا معاك الجماعة

19ـ ـحوم حوم يا حوام ، حوم فوق السطح العالي ، و قول لها يا لالة يا زينة لبنات و خدودها براقة ، و عيونها غرّاقة ، صارت كل القلوب ليها سبّاقة.

20 يا شمس واش بيك ذابلة ، إلا لابيك الزين راني نفكر فيك ، و اذا بيك الزهر ربي ما يتخلي عليك .

21 ـ محبس منقوش ، مربي على الفشوش ، ما يحمل الهانا ، أصبر يا خاطري حتى يفرّج مولانا .

22 ـ جزت على جنية ، قالت لي واش تحوسي يا ولية ، قلت لها مانى نحوّس لا على مال ولا على جاه ، نحوس على من ضيّعت قولي لي .

23 ـ جايز على باب دارنا ، لابس تلمساني ، قتلو يا شيخ بالاك تنساني ، قاللها والله ما ننساك ، ونصيبك على ربي جاهي و سلطاني.

24 ـ امّنت بالله ، و المنام رؤية من عند الله ، حمامة بيضا جات ترفرف عليّ ، معاها حصان توقّف بين يديّ .

25 ـ نبعث لكم دموعى في مشوار ازرق ، و نبعث كلامي في برية تحرق ، ما ننساك يا ناسى بحق مكة و بلاطها لزرق.

26ـ سمعت قر الحمام في قاع السّجنة ، لا من سقاه الما ولا من طاه شعير ، يا قمر ..الحمام يعيا و يحن ، وتتعمّر النافورة ، ونعودوا لزمانا
كيما كنا

27ـ خرجت ليلة الجمعة ، في يدى شمعة ، خرج لي ملاك حنين قالي : يا بنت السحاب حاجتك راه مقضية ، قلت ليه : يا سيدي طالت المدة ،
قالى : روحى لدارك تصيبيها قدّامك .

كل واحدة تقول لي فالها

شكرا لك

أنا فالي جاء 22

انا فالي جا 17 Wink

moi 7

انا اخترت الرقم 26 مرسييييييييييييييييييي king

انا اخترت 7

انا اخترت 10

moi 18 merci bcp

10-انت سبيبط.... وانا خويط فيك.... انت سنيسلة.... وانا خمسة تحميك... انت خويتم

وانا حجرة تبهيك ...وين تروح تلقاني وغير انا لي نديك
فال مليح على هاذ الصباح

انا اخترت رقم 4

2-ما نديها طويلة ...سلوم راشي .... ما نديها قصيرة.... فكرون ماشي.... نديها مربوعة قد... كي علم الباي ماشي

أنا فالي قالي : ......خرجت ليلة الجمعة ، في يدى شمعة ، خرج لي ملاك حنين قالي : يا بنت

السحاب حاجتك راه مقضية ، قلت ليه : يا سيدي طالت المدة ،

قالى : روحى لدارك تصيبيها قدّامك .

ربي يفرج علي وعلى كل مومن ....قولو آميييييييين

شكرا على الموضوع

انا اخترت20

4 -خرجت في الليل ...نطلب في الله ...صبت النجوم دايرن ...وقالولي صلي على رسول الله...*ص*... ولي تستناهم راهم راجعين

مشكورة اختي

انا 3

السلام عليكم

انا فالي 11

أنا خيرت

6-الاسمر يا لسمر ...يا شباب الحومة ....وشبيك غضبان وزعلان علينا.... احنا ما نسوى

بلا بيك... لوجه ربي... راضينا وراضى علينا
merci

انا خيرت 05

السلام عليكم

ارجو قبولي بينكم

انا اشكر كتير حلو رقم 20:oops:

صحيتي بزاف ملاح

أنا فالي 18 شكرا Smile

انا فالي 15

الله يجازيك يا اختي افكاااااااااااااااارك رائعة كل يوم جبي لينا حاجة جديدة وروعة كيفك شكرا

السلام عليكم أنا اخترت 4

شكرا اختي طاحلي رقم 1

9- دزيت باب الحبيب ...دفة على دفة... فراشو من حرير نرقد وندفا.... بوقالو من ذهب

نشرب لا نروى... وكلامو من عسل ...غير نذوق نشفى

-خرجت في الليل ...نطلب في الله ...صبت النجوم دايرن ...وقالولي صلي على رسول الله...*ص*... ولي تستناهم راهم راجعين

السلام عليكم أنا اخترت 10

السلام عليكم أنا اخترت 10

بوقالتي 26