اريد من يرشدني في حنتي

انا فتاة عمري 17 سنة نقرا في ليسي في صيف هادا صراتلي مشكلة

هي انو انا كنت نحب واحد و هو يحني طلبني مرة قبلة و قتلو لالا خلاص معاتش عاودلي مي لقيتو يخون فيا خلوتو هو قالي خلاص خير نتيا علا صحبتو الاولى قتلو غير نتا منرجعلكش و مبعد قالي نجي نخطب قتلو منقبلش بيك لوكان تبقى غير نتا لانك كيما بدلتي درك تبدلني مبعد و مبعد خرج فيا اشاعة بلي راهو فزدني و زوج بيا

لمهم دارنا سمعو بلحكايا في لبداية مصدقونيش مي كي تاكدو اني لاباس بيا صدقوني حمد لله

مي مشكلتي في مجتع و لكلام تاعهم اثر فيا بزاف حتى صحاباتي في لقرايا كذبوني مي علابالهم بلي انا كنت نحب واحد و هو يحبني طلب مني قبلة معطيتلوش خلاني و بدلني بين ليلة و ضحاها لمهم اختبارات الثلاثي الثالث كانت صعيبة بالنسبة ليا من جانب كلام ناس و نظرة تاعهم ليا و كان عندي فيسبوك بلوكيتو لانو لي يجي يسقسيني و الي يجي يسبني لمهم طاح قدري .

انا كنت عندي شخصية قوية و كنت نجيب حقي و حق غيري مي بعد هادي حادثة تحطمت خلاص وليت ديما نبكي و نخمم كيفاه ندير في هادي لمشكل .انا قلت من صيف لدخول لمدرسي ينساو مي والله والو بلعكس زادو فيها و انا درك عندي واحد يبغيني و قالي نقول لامك و نخطبك مي قبل قالي لازم تفهميني في هادي لحكايا و تشرحيلي لمشكل واش رايكم واش ندير و كيفاه نواجه